Лео Меси, кој многумина го сметаат за најдобар фудбалер на сите времиња, верува дека ѕвездата на Барселона, Ламине Јамал, кој многумина го сметаат за негов наследник во каталонскиот тим, е најголемиот талент на новата генерација што доаѓа по него и Кристијано Роналдо.
„Постои нова генерација играчи кои се многу добри и кои имаат многу години пред себе. Ако треба да изберам еден од нив, со оглед на неговите години, досегашни настапи и перспективи за во иднина, тоа би бил Ламин“, објасни Меси на настанот за промоција на рекламата на Адидас за Светското првенство, додавајќи:
„Нема сомнение, за мене тој е најдобар.“
Ве потсетуваме дека Јамал минатата година заврши на второто место, зад Усман Дембеле, во изборот за најдобар фудбалер во светот.
Како што е познато, Меси ја напушти Барселона во 2021 година.
