Зеленски за новите преговори со САД, претседателот на Украина рече дека во овој процес неговата земја е што е можно поконструктивна и што е можно побрза и не одложува како Русија
Украина планира распоред на состаноци и понатамошни преговори со САД, изјави украинскиот претседател Володимир Зеленски во синоќешното редовно видео обраќање до нацијата.
Тој го стори тоа откако го слушна извештајот на секретарот на Советот за национална безбедност и одбрана Рустем Умеров за комуникацијата со американските партнери, пренесува Укринформ.
– Го планираме распоредот на состаноците и понатамошните преговори, а Украина е што е можно поконструктивна и што е можно побрза во овој процес. Ние не одложуваме, за разлика од Русија . Тие веќе доволно ги одложуваа работите, да бидам искрен – рече Зеленски .
Тој истакна дека целосната војна на Русија против Украина сега е долга колку и војната на нацистичка Германија против Советскиот Сојуз .
Украинскиот министер за надворешни работи Андриј Сибиха претходно изјави дека украинската делегација е подготвена да отпатува во САД за да ги продолжи мировните преговори кога ќе добие соодветен сигнал од Америка .
