Бројот на потврдени жртви во бродолом со мигранти крај источниот брег на Либија се искачи на 26, откако уште 11 тела беа пронајдени на брегот во близина на Тобрук, соопштија денес медицински и безбедносни извори.
Според либиските власти, минатата недела на неколку локации по должината на брегот на Тобрук, град недалеку од границата со Египет, биле пронајдени 15 тела на мигранти, меѓу кои и едно девојче, објави Ројтерс.
Десет лица беа спасени, а преживеаните рекоа дека во времето на несреќата на бродот имало вкупно 61 лице.
Либиската крајбрежна стража соопшти дека продолжува со пребарувањето по должината на брегот заедно со волонтерите на Црвената полумесечина поради можноста повеќе тела да бидат фрлени во морето.
Медицински извори изјавија дека пронајдените тела биле во напредна фаза на распаѓање, поради што биле погребани кратко време по нивното извлекување.
Либија е една од главните транзитни рути за мигрантите од подсахарска Африка и други делови од регионот кои се обидуваат да стигнат до Европа преку Средоземното Море, честопати користејќи преполни и небезбедни чамци.
