Глобалните цени на нафтата достигнаа 100 долари за барел во четвртокот поради ескалацијата на конфликтите на Блискиот Исток.
Ова првенствено се однесува на суровата нафта од типот Брент, чија цена надмина 100 долари. Последен пат цената на нафтата од типот Брент надмина 100 долари беше во март годинава.
Цената на американската сурова нафта, исто така, скокна втор ден по ред, зголемувајќи се за повеќе од 5% на речиси 92 долари за барел – највисоко ниво од 11 јуни.
Според „Гардијан“, цената на нафтата достигна врв од 126 долари за барел во април за време на конфликтот, но падна под 100 долари кон крајот на мај и падна на дури 71 долар на почетокот на јули, поради надежите за прекин на огнот во регионот.
Цената повторно почна да расте откако пропадна меморандумот за разбирање меѓу САД и Иран и конфликтот повторно ескалираше.
Новиот пораст доаѓа откако јеменските Хути, поддржани од Техеран, ја презедоа одговорноста за нападите врз два саудиски танкери за нафта во Црвеното Море, откако објавија поморска блокада на кралството.
Заканата од Хутите е вознемирувачка за пазарите на нафта, бидејќи милиони барели дневно минуваат низ теснецот Баб ел-Мандеб за да стигнат до глобалните пазари.
Околу 12% до 15% од глобалната поморска трговија вредна повеќе од трилион долари поминува низ овие водни патишта секоја година.
