back to top
2.8 C
Skopje
недела, 22 ноември , 2026

ФБИ истражува сајбер напад врз базата на податоци што ја користи полицијата низ САД

Други наслови

ФБИ истражува наводна провала во Националниот информативен центар за криминал (NCIC), база на податоци преку која федералните и локалните полициски агенции разменуваат информации за налози за апсење и безбедносни проверки.

Според Би-Би-Си, американските медиуми се повикуваат на две лица запознаени со случајот.

Веста доаѓа по серија технички прекини што ги погодија банките, контролата на воздушниот сообраќај и други сектори во САД минатата недела. Официјалните лица велат дека тие не биле предизвикани од сајбер напади, но прекините го привлекле вниманието на законодавците.

Оваа недела беше отпуштен и Шон Кернкрос, директорот на Канцеларијата за национална сајбер безбедност на Белата куќа. Американскиот претседател Доналд Трамп рече дека тој „не е доволно добар“.

Ова не би бил прв пат хакерите да го нападнат ФБИ. Во септември, ФБИ соопшти дека истражува упад што ѝ се припишува на хакерската група ShinyHunters.

Групата тврдеше дека украла чувствителни податоци на сите вработени во ФБИ, околу 38.000 од нив.

По нападот, поранешен агент на ФБИ изјави за Би-Би-Си дека се плаши за безбедноста на сегашните вработени, бидејќи нивните лични податоци наскоро би можеле да бидат достапни онлајн, за криминалци и хакери од непријателски земји.

NBC, одделно, објави дека Министерството за земјоделство на САД (USDA) било хакирано. Според NBC, вработените биле известени во четврток дека системот за исплата на земјоделците е компромитиран. Министерството сè уште не дало јавно коментар за ова прашање.

YouTube Video Thumbnail

Најнови вести