Британската монархија е потресена од новите откритија од документите поврзани со Џефри Епштајн . Најново објавените документи велат дека поранешниот принц Ендру му испратил божиќна честитка на осудениот сексуален престапник, вклучувајќи фотографија од неговите ќерки, принцезите Беатрис и Евгенија.
Честитка по наводно прекинување на контактот
Целата приказна добива дополнителна тежина од фактот што картичката е испратена една година откако Ендру јавно тврдеше дека ги прекинал сите врски со Епштајн. Заедно со празничната порака, во која му посака „многу радост и среќа“, имаше и семејна фотографија од неговите наследници.
Милиони страници документи
Повеќе од три милиони страници материјал поврзан со случајот Џефри Епштајн се објавени во јавноста. Најновиот сет вклучува размена на е-пошта, над 2.000 видеа и околу 180.000 фотографии. Меѓу доказите се слики од принцот Ендру во друштво на млади девојки, како и информации за нивната комуникација, и покрај неговите претходни негирања за блиска врска.
Смрт во затвор и поширок список на имиња
Џефри Епштајн беше пронајден мртов во затворска ќелија на Менхетен во август 2019 година, кратко по неговото апсење по обвинение за трговија со луѓе. Најновите документи споменуваат голем број познати имињa,, но самото споменување во досиејата не значи автоматски дека овие лица учествувале во какви било нелегални активности.
