Амбасадорот на Соединетите Американски Држави во НАТО, Метју Витакер, ги наведе стратешките приоритети на Вашингтон, именувајќи ја Европа како четврти приоритет.
Витакер рече дека прв приоритет на САД е одбраната на американската татковина, додека втор е западната хемисфера.
Според него, третиот приоритет е пацифичкиот регион, додека Европа е на четвртото место.
U.S. Ambassador to NATO Matthew Whitaker on U.S. strategic priorities: Number one is the homeland. Number two is our own hemisphere. Number three is the Pacific. Number four is Europe. It doesn’t mean we’re abandoning Europe. We’re just asking Europeans to step forward and equalize.
— Clash Report (@clashreport) September 23, 2026
Сепак, Витакер нагласи дека тоа не значи дека САД ја напуштаат Европа.
„Број четири е Европа. Ова не значи дека ја напуштаме Европа. Едноставно бараме од Европејците да преземат поголема одговорност и да го изедначат својот придонес“, рече тој.
Изјавите доаѓаат во време кога европските сојузници на НАТО се соочуваат со растечки притисок да ги зголемат трошоците за одбрана и да преземат поголема улога во безбедноста на континентот.
