Првата дама на САД, Меланија Трамп, зборуваше за своето воспитување во поранешна Југославија и периодот што го поминала во комунистичкиот систем.
За разлика од нејзиниот сопруг, претседателот Доналд Трамп , кој често го претставува комунизмот како сериозна закана за САД, Меланија го опиша своето детство како претежно позитивно .
Во интервју за „Фокс бизнис“, Меланија Трамп изјави дека пораснала во комунизмот, но дека ништо не ѝ недостигало во детството.
„Пораснав во комунизмот и всушност ништо не ми недостигаше. Мислам дека имав многу убаво детство, а моите родители му обезбедија на моето семејство прекрасен живот“, рече Меланија.
Нејзините зборови се разликуваат од пораките што Доналд Трамп често ги пренесува кога зборува за комунизмот и политичките противници. За време на состанокот на партијата овој месец, тој ги опиша одредени демократи и демократски социјалисти како комунисти.
„Тие се нарекуваат себеси демократски социјалисти, но всушност се комунисти“, рече Трамп.
Американскиот претседател, исто така, зборуваше против комунизмот во својот говор на Денот на независноста, нарекувајќи го систем осуден на неуспех.
„Комунизмот е губитнички систем и секогаш ќе биде“, рече Трамп.
BRIAN KILMEADE: "Why is it that Eastern Europeans like yourself fully understand the gift of freedom and liberty better than Western Europeans, and sometimes better than Americans? What is it about how you grew up?" FIRST LADY @MELANIATRUMP: "I grew up under the communism… I feel I had very beautiful childhood. And my parents provide a beautiful childhood for my family. But yes, there are some certain things that, you know, you need to be aware of. And you watched over what you do. It’s not as free as here in the United States now. It’s different time, but when I was growing up was not." | @kilmeade
— FOX & Friends (@foxandfriends) September 23, 2026
Во таа пригода, Трамп исто така рече дека американските војници ширум светот се бореле против комунизмот за да не се појави оваа идеологија во Соединетите Американски Држави. Во своите јавни настапи, тој исто така тврдеше дека Демократската партија се претвора во комунистичка партија, а некои демократи ги нарече „закоравени безбожни комунисти“.
Детството во Југославија
Меланија Трамп е родена во 1970 година во Нови Место, тогашна Социјалистичка Република Словенија, една од републиките на Социјалистичка Федеративна Република Југославија. Таа пораснала во земја управувана од Комунистичката партија и се преселила во Соединетите Држави во 1990-тите, кога ја започнала и развила својата кариера како модел. Таа добила американско државјанство во 2006 година.
