Бруксизмот, или шкрипењето со забите, е честа несвесна навика што се јавува за време на спиење или во стресни ситуации. Иако на прв поглед изгледа безопасно, на долг рок може да предизвика сериозни проблеми со забите, вилицата и изгледот на лицето.
Многумина не го забележуваат навреме бидејќи се случува несвесно. Првите знаци се утрински главоболки , болка во вилицата, мускулна напнатост и оштетување на забите. Со текот на времето, глеѓта се троши, забите пукаат и се јавуваат промени во загризот.
Освен забите, страда и целиот виличен систем . Долготрајното оптоварување може да предизвика болки во зглобовите, кликање при отварање на устата, како и хронична болка во вратот и лицето.
Бруксизмот влијае и на изгледот. Мускулите на вилицата се зголемуваат, лицето може да стане пошироко, а поради абење на забите, долниот дел од лицето изгледа пократок и поуморен.
Како се третира бруксизмот?
Третманот вклучува носење заштитни шини, намалување на стресот и промена на животните навики. Во потешки случаи, се користат терапии за релаксација на мускулите.
Навремената реакција е клучна за зачувување на здравјето и изгледот.
