Повеќето од загинатите и ранетите се Либанци, кои сочинуваат 94 проценти од жртвите во тој период, додека останатите се Сиријци, Палестинци и други странски државјани.
Во израелските напади врз Либан од 8 октомври 2023 година, загинаа 8.925 лица, додека 30.595 беа ранети, соопшти денес либанското Министерство за јавно здравје.
Од почетокот на најновата ескалација на конфликтот во март оваа година, 4.358 лица се убиени, а 12.359 се ранети, се додава во соопштението на Министерството.
Повеќето од загинатите и ранетите се Либанци, кои сочинуваат 94 проценти од жртвите во тој период, додека останатите се Сиријци, Палестинци и други странски државјани.
Според податоците од либанското Министерство, мажите сочинуваат 86 проценти од жртвите, а речиси една четвртина од убиените или повредените биле под 18 години.
Здравствените работници и инфраструктурата неколку пати беа цел на напади.
Според извештаите, регистрирани се 180 напади врз екипи за итни случаи, додека во исто време се убиени 135, а ранети се 416 медицински работници.
Оштетени се 40 здравствени центри и 184 амбулантни возила, како и 17 болници, додека три биле принудени целосно да престанат со работа.
Според Министерството, јужен Либан и регионот Набатеј остануваат најтешко погодените области, иако жртви се регистрирани во речиси сите провинции.
