Во една од најубавите места во Сардинија, Кала Котичио, бројот на посетители е ограничен на само 60 дневно, местата мора да се резервираат однапред, а за влез се плаќа такса од три евра.
За да ја зачуваат природната убавина на Сардинија и околните острови од премногу туристи во текот на летната сезона, Италијанците ги заострија правилата за посета на одредени плажи.
Во архипелагот Мадалена, по должината на брегот на Сардинија, има голем број волшебни плажи , а меѓу нив е и Кала Котичио на североисточниот брег на островот Капрера.
Овој мал песочен рај е дел од Националниот парк Ла Мадалена и е познат по својот фин бел песок, кристално чисто тиркизно море и медитеранска вегетација што го опкружува.
Скриена меѓу карпи и бујна вегетација, плажата нуди совршени услови за пливање и нуркање во текот на летните месеци. Поради својот нереален пејзаж, често се споредува со егзотичните плажи на Тахити.
Токму поради нејзината убавина и растечкиот интерес на туристите, пристапот до Кало Котичио денес е строго контролиран. Пристигнувањето на плажата е можно само со претходна резервација и во придружба на локален водич.
Туристите кои ќе се обидат да влезат без водич може да бидат казнети.
Воведени се ограничувања со цел да се зачува овој природен бисер за идните генерации, и покрај зголемениот притисок од масовниот туризам.
