Ждребето на францускиот одгледувач „Стала Монсо“ постигна нов ценовен рекорд на престижната аукција на едногодишни ждребиња во Довил, каде што беше продадено за 4,6 милиони евра.
Според организаторите на аукцијата, Нормандија „уште еднаш ги напиша рекордите“, надминувајќи го својот претходен рекорд од три милиони евра, кој беше поставен минатата година, пренесува Фигаро.
Одгледано од кобилата Дедли Најтшејд и пастувот Вутон Басет, ждребето било продадено на ирскиот милијардер МВ Маниер и американската штала Вајт Берч Фарм.
Едногодишните англиски чистокрвни коњи се наменети за трки на рамни патеки.
🗣️ "We were the clowns who sold the mare, let’s hope we’re not the clowns again"
— Racing Post (@RacingPost) August 17, 2026
Scandinavia’s relation brings €4.6 million as Coolmore and Godolphin clash in Deauville 🤯
Августовските распродажби во Довил, во северозападна Франција, се меѓу најпрестижните во Европа и привлекуваат купувачи од целиот свет.
Според организаторите, на аукциите биле продадени 236 коњи стари една година, за кои новите сопственици платиле повеќе од 65 милиони евра, со просечна цена близу 278.000 евра.
