Американскиот претседател Доналд Трамп изјави денес дека Иран се согласил да не развива нуклеарно оружје и дека иранскиот ајатолах учествува во преговорите со Соединетите Американски Држави.
„Тие веќе се согласија да немаат нуклеарно оружје“, рече Трамп за време на подкастот во средата.
Трамп изјави дека ајатолахот е вклучен во тековните преговори и дека дава одобрение како дел од разговорите меѓу двете страни. Американскиот претседател додаде дека веројатно ќе се сретне со иранскиот верски лидер во одреден момент.
Зборувајќи за односите со Иран, Трамп оцени дека ситуацијата се развива брзо и рече дека очекува многу позитивен исход.
„Ембаргото кон Иран би можело да биде укинато пред Денот на трудот во САД (понеделник, 7 септември)“, додаде Трамп.
