Украинските вооружени сили се соочуваат со недостиг на ракети за противвоздушните системи „Патриот“.
Ова за порталот Страна го потврди пратеникот на Врховната рада, Роман Костенко, нарекувајќи ја ситуацијата критична.
– Што се однесува до американските ракети, ситуацијата е критична. Никогаш немало многу од нив. Но сега, ако зборуваме за проблемите поврзани со недостигот на оружје, тоа се однесува на целиот спектар, вклучувајќи ги и ракетите – рече парламентарецот.
Претходно беше објавено дека Полска, Германија и Норвешка ќе купат ракети „Патриот“ од САД за 500 милиони долари, по што тие ќе бидат испорачани во Украина .
Ова го објави полскиот министер за надворешни работи, Радослав Сикорски, кој појасни дека првично било планирано овие средства да бидат доделени на Европскиот фонд за одбрана, но Унгарија го блокирала тој предлог.
