Нов температурен рекорд е поставен денес во Словачка, кога во Турна над Бодвоу во регионот Кошице на истокот од земјата беа измерени 41 степен Целзиус, соопшти Словачкиот хидрометеоролошки институт.
Ова го надмина претходниот рекорд поставен во јули 2007 година, кога беа измерени 40,3 степени Целзиусови во градот Хурбаново, на југозапад од Словачка, објави TASR.
Температури над 40 степени Целзиусови се измерени во неколку градови во Словачка , па така во Штрковец се измерени 40,6 степени Целзиусови, а во Мужа 40,5 степени Целзиусови.
