Градоначалник во западната мексиканска држава Мичоакан беше застрелан на плоштад пред десетици луѓе – вклучувајќи го и неговото семејство – кои се собраа за прославите на Денот на мртвите, соопштија властите.
Градоначалникот на Уруапан, Карлос Алберто Манцо Родригез, беше застрелан во саботата вечерта во историскиот центар на градот.
Тој бил итно префрлен во болница, каде подоцна починал, според државниот обвинител Карлос Торес Пиња, пишуваат странските медиуми, пренесува Телеграф.
Во нападот беа повредени и член на градскиот совет и телохранител.
Напаѓачот бил убиен на местото на настанот, изјави за новинарите во неделата секретарот за федерална безбедност Омар Гарсија Харфух.
Нападот врз градоначалникот го изврши неидентификуван маж кој го застрелал седум пати, рече Гарсија Харфух.
NEW: Video footage shows rescue workers desperately trying to save the life of Uruapan Mayor Carlos Manzo after he was assassinated by a cartel while attending a Day of the Dead celebration.
— I Meme Therefore I Am 🇺🇸 (@ImMeme0) November 2, 2025
For months, Manzo had pleaded with Mexican President Claudia Sheinbaum for help in… pic.twitter.com/aBBpLXqPvW
Оружјето било поврзано со два вооружени судири меѓу сопернички криминални групи што дејствувале во регионот, додаде тој.
„Не се исклучува никаква насока на истрагата за разјаснување на овој кукавички чин што го одзеде животот на градоначалникот“, рече Гарсија Харфух.
Мичоакан е една од најнасилните држави во Мексико и е бојно поле меѓу картелите и разни криминални групи кои се борат за контрола на територијата, патиштата за дистрибуција на дрога и други нелегални активности.
Во неделата, стотици жители на Уруапан, облечени во црно и носејќи слики од Манцо Родригез, излегоа на улиците на градот за да ја придружат погребната поворка и да се збогуваат со убиениот градоначалник.
Ya basta, Presidenta: Asesinan a Carlos Manzo, alcalde Uruapan, Michoacán. Ya había inaugurado encendido de velas y se retiró de la plaza. Después regresó para tomarse fotos con niños con disfraces por #NocheDeMuertos. En ese momento fue atacado a balazos. Hay 2 detenidos. pic.twitter.com/qbrH4CzXfR
— DiarioNoticiasWeb.Org (@DiarioNoticiaI) November 2, 2025
Тие скандираа „Правда! Правда! Надвор од Морена!“, алудирајќи на владејачката партија на мексиканската претседателка Клаудија Шајнбаум.
Во последните месеци, градоначалникот на Уруапан јавно апелираше до Шајнбаум преку социјалните мрежи за помош во справувањето со картелите и криминалните групи.
Тој ги обвини провладиниот гувернер на Мичоакан, Алфредо Рамирез Бедоља, и државната полиција за корупција.
