“ВАКА СЕ РАЃААТ ДИКТАТУРИ“ – Уште една сојузна држава го отстрани името на Донлад Трамп од гласачкото ливче !?

Поранешниот претседател на САД, Доналд Трамп, е отстранет и од гласачкото ливче на претседателските избори во сојузната држава Мејн, бидејќи државниот секретар на Мејн Шејн Белоус во четвртокот го отстрани неговото име од гласачкото ливче според клаузулата за бунт од Уставот на САД.

Со тоа државниот секретар на Мејн стана првиот изборен службеник кој еднострано презеде акција што има потенцијални последици за изборниот процес, пишува Voice of America.

Додека Мејн има само четири електорски гласови, таа е една од двете држави во кои тие се поделени. Доналд Трамп освои еден изборен глас во Мејн во 2020 година, така што неговото исклучување од гласачкото ливче, доколку се појави како републикански кандидат на општите избори, може да има големи импликации во она што се очекува да биде тесна трка. Одлуката на државниот секретар на Мејн уследи по одлуката на Врховниот суд во Колорадо во декември која го исклучи Доналд Трамп од гласачкото ливче според Дел 3 од 14-тиот амандман.

Ги потсетуваме читателите дека слична одлука претходно донесе и сојузната држава Колорадо. Сепак, спроведувањето на одлуката е одложено до 4. јануари или додека Врховниот суд на САД не донесе одлука за случајот.

„Оваа одлука не ја донесовме лесно. Ја земавме предвид важноста и тежината на прашањето пред нас. Ние, исто така, внимававме на нашата должност да го применуваме законот, без страв или пристрасност и без да бидеме под влијание на реакциите на јавноста на одлуките што законски сме обврзани да ги донесеме“, напиша тогаш мнозинството од судот во Колорадо.

На настанот на кампањата во Ајова, Доналд Трамп не се осврна на одлуката на судот во Колорадо.

Но, во е-поштата за собирање средства што неговата кампања ја испрати до поддржувачите, се вели: „Вака се раѓаат диктатурите“.