Големи проблеми за ‘Кралскиот клуб’ пред два клучни натпревари! Изјавата на Карло Анчелоти го вклучи алармот: “Тој е незаменлив, но најверојатно без против Манчестер Сити…“
Петокот во Мадрид не започна идеално за „Кралскиот клуб“.
Лука Модриќ го пропуштил тренингот поради повреда на мускулот, која ја заработил на натпреварот со Џирона, а се поизвесно е дека капитенот на хрватската фудбалска репрезентација ќе пропушти некои од клучните натпревари до крајот на сезоната.
Така, Карло Анчетлоти на денешната прес-конференција со новинарите беше прашан за настапот против Осасуна во финалето на Купот на Кралот (6. мај), но и за првиот полуфинален натпревар од Лигата на шампионите против Манчестер Сити три дена подоцна.
Многу откри и самиот изразот на лицето на Карло Анчелоти, но и неговата изјава во која три пати одговараше на прашањата на шпанските новинари за Лука Модриќ.
„Не знам, но веројатно ќе треба да одмара и за натпревар против Манчестер Сити. Да се надеваме на најдобро“, изјавил искусниот стратег, а потоа се навратил на состојбата на клупската „десетка“.
„Имаше мала повреда во Џирона и ја напушти играта. Не знам дали може да се опорави до финалето на Купот. Тоа е фудбал и може да се случи. Се надеваме дека ќе го имаме за преостанатите важни натпревари“, изјавил италијанскиот стратег.
![](https://vocentar.com/wp-content/uploads/2023/04/%D0%9C%D0%BE%D0%B4%D1%80%D0%B8%D1%9C-1024x536.webp)
Воедно кажал дека ќе биде тешко да се замени во тие дуели.
„Има многу алтернативи, но Лука е незаменлив. Посебно поради неговото искуство на вакви натпревари“.