Дембеле е најдобриот играч на светот

Францускиот напаѓач Усман Дембеле (28) ја освои Златната топка за 2025 година, крунисувајќи ја една од најдобрите сезони во неговата кариера.

Дембеле беше моторот на ПСЖ кој ја освои Лигата на шампионите, Француското првенство и Купот на Франција, а оваа сезона ја отвори со титула во Европскиот Суперкуп.

Неговите настапи во клучните натпревари му донесоа признание пред младиот Ламин Јамал, кој беше негов главен ривал на овогодинешната трка.

Дембеле исто така се истакна во дресот на француската репрезентација, потврдувајќи дека може да биде лидер на најголемата меѓународна сцена.

Оваа награда потврдува дека Дембеле созреал во играч од светска класа, способен да носи трофеи дома и да го води тимот со своето искуство.

Со Златната топка во рацете, тој влегува во друштвото на најголемите фудбалски имиња и го потврдува својот статус на вистинска ѕвезда на модерниот фудбал.

По Дембеле, меѓу 10-те најдобри фудбалери во светот се Јамал, Витиња, Мохамед Салах, Рафиња, Килијан Мбапе, Кол Палмер, Џиџо Донарума и Нуно Мендес.

Патем, на Дембеле „Златната топка“ му ја врачи легендарниот Роналдињо.