Кои се иранските воени команданти и нуклеарни научници убиени од Израел: Еден се закани дека ќе ги отвори „портите на пеколот“

Во раните утрински часови во петокот, Израел започна целни напади врз Иран, погодувајќи повеќе од 100 цели, вклучувајќи ги и скривалиштата на високи оперативци во военото раководство.

Неколку високи воени команданти и шест врвни нуклеарни научници беа елиминирани во нападите.

Кои беа тие и што знаеме за нив?

Мохамед Хосеин Багери

Багери беше началник на Генералштабот на вооружените сили на иранскиот режим и највисок воен офицер во Иран. Тој беше втор највисок командант во земјата, веднаш по врховниот лидер.

Неговото учество во армијата датира од Исламската револуција во 1979 година.

Според „Тајмс оф Израел“, Багери наводно бил еден од студентите кои упаднале во американската амбасада во Техеран таа година.

Хосеин Салами

Салами беше командант на Корпусот на Исламската револуционерна гарда (ИРГЦ), главната воена сила на Иран.

Тој имаше историја на закани кон САД и Израел. Салами претходно предупреди дека Иран ќе „ги отвори портите на пеколот“ доколку биде нападнат од која било земја.

Тој се приклучи на Револуционерната гарда за време на иранско-ирачката војна. Салами е санкциониран од Советот за безбедност на ОН и САД уште од 2000-тите години поради неговата вмешаност во нуклеарните и воените програми на земјата.

Во говорот од 2016 година, тој рече дека постои „плодна почва“ за „уништување, бришење и колапс на ционистичкиот режим“.

Голам-Али Рашид

Рашид беше началник на штабот на Хатам ал Анбија (Команда за непредвидени ситуации) на ИРГК.

Тој претходно беше заменик-началник на Генералштабот на иранските вооружени сили и се бореше за Иран за време на војната со Ирак во 1980-тите.

Ферејдун Абаси-Давани

Абаси беше нуклеарен научник и раководител на Иранската организација за атомска енергија од 2011 до 2013 година.

Абаси, тврдокорен поддржувач, беше пратеник во парламентот од 2020 до 2024 година.

Мохамед Мехди Техранчи

Техеранчи беше и нуклеарен научник – теоретски физичар и претседател на Исламскиот универзитет Азад во Техеран.

Израелските напади ги таргетираа иранските нуклеарни постројки, фабриките за балистички ракети и воените команданти за да го спречат Техеран да развива атомско оружје.

Во нападите беа убиени уште четворица научници: Абдолхамид Манучер, Ахмад Реза Золфагари, Амирхосеин Феги и Моталибизадех.