Според најновите информации кои протекуваат од Министерството за транспорт и врски, во најава е локалниот пат Стрезимир-Рестелица да се преточи во регионален.
Стрезимир е село во областа Горна Река во атерот на селото Бродец, Општина Гостивар додека пак Рестелица е село во Општина Драгаш – југозападно Косово.
Се очекува во скоро време ЈПДП да отвори тендерска постапка за избирање проектант со финална цел – асфалтирање на патот и отварање граничен премин со Република Косово.
![](https://vocentar.com/wp-content/uploads/2023/01/FB_IMG_1675197062112.jpg)
Идејата се ,,родила” уште во 2018 од локалното население на реканскиот крај за која властите од двете земји имале слух и почнале сериозно да ја разгледуваат а во блиска иднина и да ја реализираат.
Извори кои се директно запознаени со случувањата информираат дека, Министерот за внатрешни работи Оливер Спасовски бил првиот владин претставник кој ја поздравил и ја поддржал оваа идеја по неколкуте средби кои ги имал со жителите на двете села како и Благој Бочварски, Министер за транспорт и врски.
Идејата ја поздравил и поранешниот премиер Зоран Заав кој уште во неговиот премиерски мандат дал зелено за нејзина реализација како и лидерот на ДУИ, Али Ахмети.
,,Сметаме дека ова е значаен проект кој ќе поврзува два села од различни држави кои имаат слична култура, традиција и обичаи. Со ова ќе се отворат нови можности и перспективи за жителите но и економски ќе заживеат двата краја. Се надеваме дека ова е почеток на една успешна соработка на двата краја односно двете држави” – изјави Фатон Асани, Директор на агенцијата за одземен имот и катализатор за реализација на проектот.
![](https://vocentar.com/wp-content/uploads/2023/01/FB_IMG_1675196482346.jpg)
Од нивна страна, прв кој ја развил идејата бил Претседателот на месната заедница на село Растелица, Мурат Мушка, кој ја пренел до тамошните власти кои започнале со брза реализација.