Поради киднапирање и силување добил доживотен затвор: По 30 години докажал дека е невин

0

Тој тогаш имал само 18 години и бил уапсен неколку дена подоцна по киднапирањето, грабежот и силувањето бидејќи генерално одговарал на описот на осомничените.

Човекот кој помина речиси 30 години во затвор за киднапирање, грабеж и силување е прогласен за невин и ослободен, соопштија обвинителите.

Тестирањето на ДНК помогна да се ослободи од обвинението Џерардо Кабаниљас (46) во нападот во 1995 година врз брачен пар кој седел во паркиран автомобил во Калифорнија, соопшти Канцеларијата на окружниот обвинител во Лос Анџелес.

Неговиот случај беше преиспитан и минатата недела судијата ја укина пресудата, го прогласи за невин и нареди итно ослободување.

Кабаниљас беше осуден во 1996 година и помина 28 години зад решетки. Тој признал дека бил еден од двајцата вооружени мажи кои се приближиле до парот, го извлекле мажот од возилото и ја однеле жената во напуштена куќа каде и двајцата ја силувале.

Друг пар во автомобил во истата област бил ограбен два дена подоцна, соопштија властите, пренесува DailyMail.

Кабаниљас, кој тогаш имаше 18 години, беше уапсен неколку дена подоцна по киднапирањето, грабежот и силувањето, бидејќи генерално одговараше на описот на осомничените.

На жртвите на нападот им било кажано дека тој признал и го идентификувале како напаѓачот.

Сепак, тие подоцна покренаа сомнежи пред судот и рекоа дека биле под притисок да го идентификуваат.

За време на судењето, Кабаниљас тврдеше дека е невин, но сепак беше осуден на доживотен затвор.

Тестирањето на ДНК, кое беше направено во 2019 година, откри дека други двајца се одговорни за нападот. Ниту еден друг осомничен никогаш не бил уапсен, иако еден маж подоцна признал едно од злосторствата.

Кабаниљас беше условно пуштен од затвор во мај, објави Си-Ен-Ен. Тој потоа беше трајно ослободен на 21 септември, откако неговата пресуда беше поништена од судија на Високиот суд.