Си Џинпинг: ,,Да, доаѓам во Русија”
Кинескиот претседател Си Џинпинг ја прифати поканата на Русија да присуствува на комеморацијата за победата над нацистичка Германија во Втората светска војна.
Ова за руската државна телевизија го потврди рускиот амбасадор во Кина Игор Моргулов.
Кремљ во декември објави дека поканил претставници на „многу земји“ да присуствуваат на комеморацијата на 80-годишнината од крајот на војната.
Советскиот Сојуз изгуби 27 милиони луѓе во Втората светска војна, но на крајот ги турна нацистичките сили назад во Берлин, каде што Адолф Хитлер изврши самоубиство.
Безусловното предавање на нацистичка Германија стапи на сила една минута по 23 часот на 8 мај 1945 година и се одбележува како Ден на победата во Европа во Франција, Обединетото Кралство и САД.
Во Москва веќе беше 9 мај, кој беше прогласен за Ден на победата над фашизмот.
Моргулов рече дека Си, пак, го поканил рускиот претседател Владимир Путин во Кина на комеморацијата за крајот на Втората светска војна, која е планирана за септември.
