Алексис Ципрас по поразот на изборите во Грција: “За СИРИЗА се затвори голем и креативен историски циклус“

„За СИРИЗА се затвори голем и креативен историски циклус, циклус на позитивен придонес кон општеството и земјата“, истакна претседателот на СИРИЗА, Алексис Ципрас по денешниот пораз на партијата на парламентарните избори во Грција.

Паралелно потенцираше дека треба да се направат потребните промени за да се отвори, како што кажа, нов, уште понадежен циклус. 

Посочи дека партијата ја презема одговорноста за резултатите, а членовите ќе ги донесат потребните одлуки, а во целиот тој колективен процес на реконструкција на партијата тој ќе биде првиот што се стави на располагање на партиските органи за да ја оценат неговата работа. 

„Времето, за методично да работиме со цел реконструкција на партијата, не е неограничено. Временскиот период за нашето враќање се европските избори за околу една година од сега. И тоа мора успешно да се направи бидејќи тоа го бараат потребите на граѓаните“, истакна Алексис Ципрас. 

Паралелно кажа дека иако „претрпеа сериозен изборен пораз“, резултатот во главно е „негативен и за општеството и за демократијата“, осврнувајќи се на обезбедениот влез во Парламентот на три радикално десничарски партии.