БИЛ ГЕЈТС ГИ ОБЈАВИ СВОИТЕ ПРЕДВИДУВАЊА ЗА СЛЕДНАТА ДЕЦЕНИЈА – Тој е воодушевен од едно откритие за кое верува дека ќе предизвика вистински “бум“!
Ко-основачот на компанијата Microsoft и еден од најбогатите луѓе во светот, Бил Гејтс, објави пофалница на шест страници за „револуционерната“ природа на вештачката интелигенција и нејзиното влијание врз светот.
Во блог пост, Бил Гејтс ги истакна своите предвидувања за идното влијание на технологијата врз здравјето, образованието и работната сила. Тој смета дека развојот на вештачката интелигенција ќе донесе голем број иновации.
„Иновациите се причината зошто нашите животи толку многу се подобрија во текот на минатиот век“, напиша тој.
„Од струја и автомобили до лекови и авиони, иновациите го направија светот подобар“, додаде Бил Гејтс.
Тој предвидува дека богатите земји како САД се една и пол до две години од целосното прифаќање на вештачката интелигенција, додека на посиромашните како Африка ќе им требаат три години.
Сепак, тој признава дека и самиот сè уште нема сè сфатено кога е вештачката интелигенција во прашање.
„Ако не сте сфатиле како да ја користите вештачката интелигенција на најдобар начин, не сте сами“, напиша тој и додаде дека е тешко да се ослободите од старите навики на работа.
Бил Гејтс проверуваше неколку проекти кои се обидуваа да ја искористи вештачката интелигенција за да се бори против отпорноста на антибиотици, да ги третира високоризичните бремености и да им помогне на луѓето да го проценат ризикот од ХИВ, и заклучи дека работата е амбициозна и во рана фаза на развој.
Тој верува дека работата ја поставува сцената за голем технолошки бум подоцна оваа деценија.
Непрофитната организација на Бил Гејтс, Фондацијата „Бил и Мелинда Гејтс“, која тој ја води заедно со неговата поранешна сопруга, донираше милијарди долари за медицински истражувања ширум светот.
Работата на Фондацијата е особено фокусирана на истражување, развој и испорака на вакцини до најсиромашните земји во светот.
Во однос на образованието, тој претходно предвиде дека вештачката интелигенција може да го трансформира образованието во следните пет до десет години со доставување содржини прилагодени на стиловите на учење.
Неговиот предлог е дека вештачката интелигенција би можела да ги ангажира учениците со тоа што ќе научи што ги мотивира и што предизвикува да го изгубат интересот за предметите. Иако тој вели дека наставниците веројатно нема да бидат отпуштени, тие можеби ќе треба да се прилагодат на новата технологија.
Во својот пост, тој ги нарече образовните алатки за вештачка интелигенција што се тестираат денес „неверојатни“. Тој ги нарече алатките како Khanmigo и MATHia извонредни и предвиде дека тие само ќе се подобрат во годините што доаѓаат.
