Британската полиција на нозе: Хемиски инцидент, труење, наредена евакуација

Седум лица биле итно пренесени во болница по „хемиски инцидент“ во Дагенхам, Велика Британија, додека полицијата евакуирала голем број домови.

Имено, во текот на ноќта неколку лица имале проблеми со дишењето, а како што сметаат надлежните овој настан се случил откако пукнал аквариумот и истекла вода.

Со оглед на тоа дека во аквариумот имало и корали, постои сомневање дека водата е затруена.

Персоналот за вонредни состојби испрати тимови за одговор при итни случаи на местото на сомнително истекување на хемикалија во Дагенхам, источен Лондон, во саботата вечерта, откако неколку жители на Врен Роуд пријавиле тешкотии со дишењето, пренесува Метро.

Лондонската служба за брза помош соопшти дека испратила неколку екипи по панични повици од преплашените жители.

„Бевме повикани на 10 август во 21.46 часот да пријавиме инцидент. Испративме бројни ресурси, вклучително и екипи на ЕМС, службеници за одговор на инциденти и членови на нашиот тим за одговор на опасни области (ХАРТ)“, рекоа тие.

„Одговоривме заедно со колегите од лондонската противпожарна бригада. Седум пациенти се хоспитализирани“, се вели во соопштението.

Некои видови корали како што е Зоантид, популарен меѓу ентузијастите на морските аквариуми, може да содржат палитокин. Овој отров е опасен по здравјето и изложеноста може да доведе до опасни по живот последици.