Вака изгледа „потонатата шума“ на Алјаска: Луѓето го гледаат видеото, ги тријат очите и се крстат
Лук Мел (46) и неговата сопруга Хана ја посетија „потонатата шума“ во близина на градот Палмер на Алјаска . Нивното видео ги остави гледачите без зборови, а веруваме дека ќе ве остави без зборови и вас.
Инаку, дрвјата беа потопени по земјотресот што ја погоди оваа американска држава во 1964 година. Кога ќе се „стегне“ минус, езерото замрзнува и создава нереална област, како од филмовите со фантазија.
„Надреално искуство“
Лизгањето низ „потонатата“ или „шумата на духови“ е надреално искуство“, напиша Лук, кој ја снимил својата сопруга како ужива во лизгалките.
Видеото „собра“ преку 4,7 милиони прегледи и брзо стана вирално, пренесува Newsweek .
Најсилниот земјотрес
Споменатиот земјотрес беше најсилниот досега регистриран во Северна Америка, а дел од копното потона дури 2,4 метри. Поголемиот дел од брегот на Алјаска е потопен, а крајбрежните шуми се уништени од морската вода.
„Во текот на летото оваа област се претвора во мочуриште , па затоа не е пријатно да се посети. Во зима, тоа е друга приказна. Вистинско уживање“, напиша Лук.
