ВИДЕО | ГОРАН ИВАНИШЕВИЌ СИ ЈА ОТВОРИ ДУШАТА – По историската победа, Хрватот им објасни на сите каков е Новак Ѓоковиќ и што значат Роџер Федерер и Рафаел Надал за него

Новак Ѓоковиќ ја освои својата четврта титула на УС Опен со триумф над Данил Медведев со 6:3, 7:6(5), 6:3 по три часа и 17 минути игра. Со ова тој стана и првиот тенисер со 24. Грен Слем титули во опен ерата.

Тренерот на Новак Ѓоковиќ, Горан Иванишевиќ, по финалето воодушевено откри што го турка српскиот тенисер напред по сите негови неверојатни успеси.

„Имаше среќа што имаше луѓе како Рафа Надал и Роџер Федерер. Беа пред него и се бореа. Но, тој е роден победник. За него, кога ќе му кажеш дека не може да направи нешто, тоа е уште полошо. Тогаш ќе покаже дека може. Нема оправдувања за Новак Ѓоковиќ“, вели Горан Иванишевиќ.

Србинот никогаш не се вклучи во дискусии за тоа кој е најголемиот тенисер во историјата, но 24. Грен Слем титула, Новак Ѓоковиќ ја нарече едно од најголемите достигнувања во историјата на спортот.

„Тој е единствен. Не многу луѓе како него во спортска смисла. Но, ова е едно од најголемите достигнувања во историјата на спортот. Не зборувам само за тенис, зборуваме за спорт воопшто. Новак Ѓоковиќ е победник. Тој е самомотивиран тип. Секогаш се труди да најде начин да победи, да се бори, дури и кога не му е добро, кога е повреден“, објаснува Горан Иванишевиќ.