ВИДЕО | Такер Карлсон сепак си замина од Кремљ без одговор на овие три важни прашања: Американскиот новинар беше упорен додека Владимир Путин даваше бесплатни часови по историја
Разговорот меѓу претседателот на Русија, Владимир Путин и американскиот новинар Такер Карлсон, беше следен низ целиот свет и од неговото објавување е анализиран од водечките светски медиуми.
Интервјуто го погледнале повеќе од 100 милиони корисници за само 12 часа од објавувањето на социјалната мрежа Х (Твитер), додека објавата имаше речиси 50.000 коментари и повеќе од 220.000 реобјавувања (споделувања). Такер Карлсон исто така го објави интервјуто на својата официјална веб-страница.
Разговорот во Кремљ, да потсетиме, траеше нешто повеќе од 2 часа. Такер Карлсон и Владимир Путин, очекувано, најмногу разговараа за Украина, а се осврнаа и на бројни други теми меѓу кои американско-руските односи, саботажата на гасоводот „Северен тек“, подемот на Кина, БРИКС, вештачката интелигенција…
Според својот обичај, американскиот новинар започна со остро прашање, но Владимир Путин веќе на почетокот, се согласуваат експертите, го насочил интервјуто на страната што ја сака.
„Зошто мислите дека САД може да и зададе неочекуван удар на Русија ? Како дојдовте до овој заклучок ?“, беше првото прашање на Такер Карлсон за Владимир Путин.
„Не е случај САД да и зададе неочекуван удар на Русија. Јас никогаш не го кажав тоа. Дали сме во ток-шоу или водиме сериозен разговор ? Историјата ја имаш учено само во основно образование, разбирам, нели ? Тогаш ќе си дозволам само 30 секунди или една минута да дадам малку историска позадина. Имате ли нешто против ?“, праша претседателот на Русија и во следните половина час ги објаснуваше историските околности кои на крајот доведоа до создавање и независност на Украина.
„Може ли да прашам ? Велите дека делови од Украина всушност биле руска земја стотици години. Зошто не ги земавте кога станавте претседател пред 24 години ? И тогаш имавте нуклеарно оружје. Тогаш зошто чекавте толку долго ?“, вака Такер Карлстон повторно се обиде да добие одговор од Владимир Путин.
„Само да ги завршам историските информации и потоа ќе ви кажам. Можеби е досадно, но објаснува многу“, одговори претседателот на руската држава.
Владимир Путин потоа продолжи да зборува за тоа како Украина со текот на времето присвоила делови од територијата на околните земји и нагласи дека знае дека многу Унгарци, кои сега живеат таму и кои сакаат да се вратат во својата историска татковина.
„Да, мислам дека тоа се случува често, најверојатно многу земји биле незадоволни од промената на границите во 20 век и порано. Но, факт е дека за вакво нешто не сте се изјасниле до февруари 2022 година. Рековте дека чувствувате физичка закана за НАТО, особено нуклеарна закана, што ве поттикна да реагирате ?“, беше упорен Такер Карлсон.
„Разбирам дека моите долги дијалози веројатно не се вклучени во овој жанр на интервју. Затоа те прашав на почетокот дали сакате да направиме сериозен разговор или ток-шоу. Рековте дека ова е сериозен разговор. Затоа, ве молам, не ме навредувајте“, вака Владимир Путин повторно го остави новинарот без одговор.
Малку подоцна Такер Карлсон остана без одговор на можеби главното прашање од интервјуто.
„Дали ќе бидете задоволни со територијата што веќе ја имате“, го прекина Владимир Путин, кој зборуваше за исполнување на цели во Украина.
„Сега ќе завршам“, одговори Владимир Путин и продолжи да зборува за денацификација, но, на конкретното прашање повторно немаше одговор.
