ВИДЕО | ЌЕ УСПЕЕ ЛИ ‘ГОТВАЧОТ’ ПОВТОРНО ДА ‘ВОСКРЕСНЕ’ !? Евгениј Пригожин еднаш ‘загина’ во авионска несреќа во 2019 година, а три дена подоцна се разбуди жив и здрав

Во Русија се уште никој официјално не соопшти дека Евгениј Пригожин е мртов, иако сите служби објавија дека неговото име се наоѓало на списокот на патници на авионот што вчера се урна во близина на Москва. А и неговите борци во групата Вагнер ја користат фразата „ако е навистина мртов“ при што тоа доволно говори за тоа колку тие имаат доверба во руските власти.

Сепак, ова не би било прв пат Евгениј Пригожин да „воскресне“ од мртвите. Многу луѓе денес се сеќаваат на авионска несреќа кога лидерот на Вагнер беше прогласен за мртов за да се појави жив и здрав пред ТВ камерите три дена подоцна.

Во октомври 2019 година, воен авион An-27 се урна во ДР Конго. Тогаш беше објавено дека Евгениј Пригожин е меѓу загинатите на тој лет, но само три дена подоцна се испостави дека тој се уште е жив.

Исто така, неколку луѓе го промениле своето име во Евгениј Пригожин, како дел од неговите обиди да ги прикрие своите патувања и на тој начин да се заштити од можен атентат.

„Да не бидеме изненадени ако наскоро се појави во ново видео од Африка“, изјави Кир Гилс од тинк-тенкот Chatham House.

Daily Mail пишува и за видеото на кое Евгениј Пригожин се појавува со неговиот заменик, кој исто така е меѓу загинатите во оваа несреќа, велејќи дека – „смртта не е крајот“ и дека – „сите ќе одиме во пеколот“.

Во таа снимка, Дмитриј Уткин му рекол на Евгениј Пригожин дека – „смртта не е крај, туку почеток на нешто друго“, а Евгениј Пригожин одговорил: „Да, сите ќе одиме во пеколот, а во пеколот ќе бидеме најдобри“.

Рускиот истражен комитет кој ја истражува несреќата утринава потврди дека во неа загинале 10 лица, без да го спомене Евгениј Пригожин.

Руските власти утринава донеле црни торби со тела од местото на несреќата, додека делови од авионот лежеле на земја во близина на шаторот за вештачење.

Смртта на Евгениј Пригожин ќе го ослободи Владимир Путин од личноста која му го постави најголемиот предизвик на неговиот авторитет откако дојде на власт во 1999 година.

Другите кои се спротивставија на Владимир Путин и неговите интереси умреа под неразјаснети околности или беа блиску до смртта, вклучително и политички противници и новинари. Кремљ секогаш негираше каква било вмешаност на државата во вакви инциденти.

Шпекулациите дека Евгениј Пригожин можеби не загинал се поткрепени со фактот дека неговиот втор авион полетал во слично време и слетал во Москва. Се зборува дека тој можеби не бил во кобниот авион и покрај тоа што државната телевизија тврди дека бил. Извори блиски до него изјавија дека урнатиот авион е негов, но дека најчесто летал со друг авион, пишува Daily Mail.