Ги измивте рацете и мислите дека се чисти? Лекарите покажаа што останува под површината

Микроскопските снимки од нашите „чисти“ раце ја шокираа јавноста, а двајца лекари предупредуваат на важноста од правилна хигиена на рацете за да се намали ризикот од инфекции.

Можеби треба повторно да размислиме како ги миеме рацете – стои под вирално видео на двајца лекари кои откриле како всушност изгледаат нашите „чисти“ раце под микроскоп.

Д-р Миро Фигура и д-р Дана Бремс во видеото објавено на TikTok им ја покажаа на корисниците вистинската состојба на нашите раце. Сликите направени со микроскоп го шокираа интернетот.

– Оваа рака на прв поглед изгледа чиста, но дали е навистина чиста?  – ги прашаа своите следбеници.

На зумирана слика на прстот под микроскоп, забележани се ситни набори на кожа, слични на песок, покриени со честички нечистотија .

– Ова е навистина одвратно – искоментира Миро.

@doctormyro @Doctor Dana • FootDocDana if this is the hand, what would a foot look like? 🤢 #microscope #doctors #hand #gross #dirtey #germs ♬ Funky Town（落雨） – 落花雨

– На рацете може да се најдат повеќе од 3.000 различни микроби, па затоа е важно темелно да ги миете рацете. Добрата хигиена може да намали до 50 отсто од инфекциите – додаде Дана.

Според Центрите за контрола и превенција на болести, рацете треба да се мијат најмалку 20 секунди, особено по користење на тоалетот и пред јадење.

Секој сапун темелно ги чисти рацете. Според Американската агенција за храна и лекови, нема доволно докази дека антибактериските сапуни се поефикасни од обичниот сапун и вода.

Ако сапун и вода не се достапни, користете средство за дезинфекција со најмалку 60 проценти алкохол. Ефективни се и природни производи, како органски спрејови или средства за дезинфекција со 70% етил алкохол и есенцијални масла.

„ Задолжително измијте ги сите делови од рацете, вклучително и помеѓу прстите и под ноктите, триејќи се додека рацете не се целосно суви  “, советува ЦДЦ.