Глуварчето е одлично за повеќе намени: Користете го на четири начини

Иако многу луѓе ги извлекуваат, бидејќи растат на различни места и често ја „нарушуваат“ естетиката на дворот, глуварчињата всушност се одлични за повеќе намени.

Ова се некои од најдобрите начини за користење на глуварчињата.

Глуварчињата се одлични за опрашување

Глуварчето е многу распространето и затоа е одличен извор на нектар за пчелите. Иако тие не се појавуваат во рана пролет кога започнува сезоната на опрашување, глуварчињата се присутни во текот на летото и есента кога пчелите се хранат и на тој начин се подготвуваат за зимата.

Го подобрува квалитетот на почвата и ја намалува ерозијата

Корените на глуварчето ја пробиваат дури и најтешката почва, што може да им пречи на многу градинари. Сепак, не треба да ги извлекувате, бидејќи го подобрува квалитетот на почвата на овие места и ја намалува ерозијата. Затоа, оставете го глуварчето целосно да се развие на неплодна почва.

Глуварчињата можат да бидат дел од вашата исхрана

Најважното правило кога се јаде глуварче е дека тие не смеат да се третираат со пестициди. Во секојдневната исхрана користете млади листови глуварче преку салата, а можете да ги динстате и во масло.

Глуварчето е лековито

Ова растение има повеќе витамин А од спанаќот, повеќе витамин Ц од доматите и е одличен извор на железо, калциум и калиум. Низ историјата се користел за лекување на разни состојби како треска, ќелавост, болки во непцата и слично. Денес најчесто се препорачува како благ диуретик кој обезбедува хранливи материи и помага во ефикасното функционирање на дигестивниот систем.