Дали земјотресот во близина на Мармарис беше само предупредување? Научниците стравуваат од мегаземjотрес
Земјотрес со интензитет од 6,2 степени според Рихтеровата скала е регистриран рано утрово во близина на Мармарис во Турција и во близина на грчкиот остров Родос. Епицентарот на земјотресот, кој се случи рано утрово околу 1:20 часот, бил крајбрежјето на Турција, помеѓу Мармарис и градот Теологос на Родос. Турските медиуми рано утрово објавија дека во земјотресот, за кој тврдат дека имал интензитет од 5,8 степени според Рихтеровата скала, случајно загинало 14-годишно девојче, додека вкупно 69 лица се повредени.
На видеата што кружат на мрежите, може да се видат луѓе како бегаат во паника, додека работите околу нив паѓаат . По бессона ноќ, тие се соочуваат со нов страв и прашањето дали ова бил „само почеток“. Дури и експертите предупредуваат дека тресењето на земјата можеби сè уште не е завршено.
Според податоците објавени на веб-страницата на Турската агенција за управување со вонредни состојби (AFAD), земјотресот се случил на растојание од 10,43 километри од областа Мармарис, а утврдено е дека се случил на длабочина од 67,91 километри.
Професорот д-р Шукру Ерсој рече дека постои можност за нови земјотреси, можеби дури и посилни од овој.
„Ова беше земјотрес што може да предизвика штета. Се случи крај брегот на полуостровот Бозбурун. Податоците укажуваат на длабочина помеѓу 67 и 80 км. Овој земјотрес не е поврзан со земјината кора под нашата земја, туку со подлабок слој. Ова е најопасниот регион во близина на Турција. Тоа е област што може да произведе земјотреси со јачина поголема од 8 степени. Всушност, ова не се наши „мајчински“ земјотреси. Земјотресите често се случуваат во овој регион. Овој конкретен не е крај – можни се и посилни магнитуди“, напиша Ерсој на мрежата „X“.
Додека граѓаните се плашат од потреси, тие се сведоци како сè изгледаше синоќа кога земјата почна да се тресе.
Демет Кизил, жител на Мармарис, рече дека во Мармарис се навикнати на помали земјотреси, но овој бил силен.
„Одеднаш се разбудив поради бучавата, чекав да поминат потресите за да станам од кревет… Веднаш се симнав долу, улиците беа полни. Кога паниката помина, луѓето се вратија дома. Во Мармарис сме навикнати на мали земјотреси, но овој траеше подолго и беше посилен. Слушнав дека некои се фрлале од балконот. Им посакувам на сите брзо закрепнување“, рече Кизил.
