Дали Лорен Санчез е виновна за отпуштањето на главната уредничка на „Вог“? Познато списание критикувано поради насловната страница
Ана Винтур е едно од најмоќните имиња во модната индустрија, а многумина беа шокирани од одлуката да ја напушти позицијата главен уредник на американскиот Вог. Многумина веруваат дека за тоа е виновна насловната страница со Лорен Санчез, критикувајќи го изборот на списанието.
„Вог“ е критикуван од читателите откако ја објави својата дигитална насловна страница за јуни 2025 година, на која Лорен Санчез Безос позира во нејзината венчаница од „Долче и Габана“. Насловната страница, објавена на Инстаграм по раскошната свадба на двојката во Венеција, Италија, брзо предизвика јавно негодување.
Негативните реакции се совпаднаа со објавата на долгогодишната главна уредничка на „Вог“, Ана Винтур, дека ќе се повлече од својата позиција по 37 години, вест што ја објави непосредно пред објавувањето на насловната страница.
Иако Винтур ќе остане глобален уреднички директор и главен директор за содржини на „Конде Наст“, некои коментатори шпекулираат дека нејзиното заминување е темпирано за да се дистанцира од контроверзната одлука и дека тоа е вина на Санчез.
Еден моден фотограф се пошегува: „Не знаев дека сега можеш едноставно да купиш насловна страница“, одразувајќи скептицизам во врска со начинот на кој Вог ја избра својата најнова насловна страница.
Луѓе од модната индустрија споделија слични пораки, тврдејќи дека новата сопруга на Џеф Безос платила за насловната страница и дека Ана не сакала да ја поддржи.
За потсетување, милијардерот и основач на „Амазон“, Џеф Безос, се ожени со Лорен Санчез во петокот во Италија, на свадба што трае веќе неколку дена, иако тие веќе беа законски венчани во Соединетите Држави.
Тие разменија завети на островот Сан Џорџо Маџоре пред бројни достоинственици, меѓу кои и неколку членови на семејството Трамп, сестри од семејството Кардашијан, како и Опра Винфри, Леонардо Дикаприо, Бил Гејтс, Барбара Стрејсенд, Ашер и Орландо Блум.
