Дали сакате да живеете до 100 години? Земете ги овие додатоци во исхраната
Ако сакаме да живееме подолг и поздрав живот, една опција е да се свртиме кон додатоците во исхраната за да ги пополниме недостатоците во исхраната и да го подобриме целокупното здравје. Иако урамнотежена исхрана, редовно вежбање и доволно сон се темелите на доброто здравје, одредени суплементи можат да обезбедат дополнителна поддршка, зголемувајќи ги шансите за долговечност.
Овие додатоци се насочени кон одредени области, како што се здравјето на срцето, здравјето на цревата и когнитивната функција, кои се клучни за одржување на висок квалитет на живот како што старееме. Сепак, со изобилството на достапни опции, може да биде предизвик да се одреди кои додатоци се навистина корисни за промовирање на долговечноста. Затоа, нутриционистот и диететичар Емили Фулц ги откри трите најдобри опции.
1. Калциум
„Истражувањето покажа дека соодветен внес на калциум може да го намали ризикот од фрактури, остеопороза и дијабетес“, вели Фулц за SheFinds.
Намалувањето на овие ризици може да придонесе за долговечност. Иако калциумот можеме да го внесеме од исхраната, нутриционистот тврди дека додатокот е добар избор.
2. Витамин Д
Еден од најдобрите додатоци на калциум е витаминот Д, за кој Фулц вели дека помага во апсорпцијата на калциум и го подобрува здравјето на коските. Недостатокот на витамин Д, исто така, може да доведе до многу различни здравствени компликации, а Фулц како две од најголемите го наведува зголемениот ризик од деменција и мозочен удар. Поради оваа причина, тој ја нагласува важноста да се внесува доволно од овој витамин секој ден.
„Жените како што стареат треба да ги задоволат препорачаните потреби за витамин Д за да го подобрат здравјето на мозокот“, советува Фулц. Ако сакаме да и’ дадеме приоритет на храната богата со витамин Д, можеме да се одлучиме за масна риба како лосос и скуша, сирење, говедски црн дроб и сардина. Додавањето на овие намирници во исхраната и земањето додаток на витамин Д може да придонесе за долговечност, додава нутриционистот.
3. Омега-3 масни киселини
„Истражувањата покажаа дека омега-3 масните киселини играат клучна улога во спречувањето на состојби на ментално здравје, срцеви заболувања, воспаленија и други хронични болести“, истакнува Фулц.
Постојат неколку начини да ги вклучиме здравите омега-3 масти во нашата секојдневна исхрана. Рибите како лососот, на пример, нудат и EPA и DHA киселини. Фулц објаснува дека овие видови се „биолошки најактивните“ типови на омега-3.
Исто така, во растителните извори можеме да најдеме тип наречен АЛА, а одлични опции се оревите, ленените семиња, бриселското зелје и спанаќот. Меѓутоа, за да се увериме дека внесуваме доволно масни киселини, Фулц препорачува и земање додаток.
