ДАЛИ ТРЕБА ДА ЈАДЕТЕ ПРЕД ИЛИ ПО ИНТИМНИОТ ОДНОС ? Еве како храната влијае на уживањето во креветот: Едно истражување открива се

Обично се вели дека не треба да вежбате со полн стомак, но дали ова правило ги вклучува и интимните односи ? Дали треба да бидеме сити пред да уживаме во кревет со нашиот близок или да го оставиме јадењето за подоцна ?

Истражувачите од Универзитетот во Осло тврдат дека луѓето не можат целосно да се препуштат кога се гладни. Главен виновник за тоа е грелинот, хормон кој го поттикнува чувството на глад.

Во студијата, објавена во Psychophysiology, истражувачите напишаа дека покрај храната, ефектот на грелинот игра улога и во допирот. Тим научници, предводени од Даниел Фабиган, се обиделе да разберат дали хормонот влијае и на пријатноста на допирот или не. Шеесет учесници биле замолени да дојдат во лабораторијата на тестови во два одвоени дена.

Првиот ден, учесниците пристигнале во 15 часот и не јаделе од 9 часот, а потоа им бил даден течен оброк и банана. Вториот ден, исто така, „гладувале“ до нивното доаѓање, но не им било дадено ништо да јадат. Тестовите на крвта потврдиле дека на првиот ден, нивото на грелинот се намалило откако јаделе, додека нивото останало високо во текот на вториот ден, поточно во денот на постот.

Исто така, во двата дена, десната потколеница на учесниците била стимулирана со различна брзина додека нивниот мозок бил следен со помош на скенер. Од учесниците било побарано да оценат колку е интензивен допирот, како и колку е пријатен. Резултатите откриле дека допирите биле оценети како малку попријатни во текот на првиот ден отколку во деновите на „глад“.

„На пример, ова може да значи дека допирот баран од причини за благосостојба, како што е релаксирачка масажа, има попозитивен ефект после оброк отколку на празен стомак“, велат истражувачите.