Димитриевски: ЗНАМ не беше за линеарно зголемување на пензиите, но ние сме должни да го следиме концептот на ВМРО-ДПМНЕ
Градоначалникот на Куманово и лидер на ЗНАМ, Максим Димитриевски, вели дека како партија имале поинаков концепт за зголемување на пензиите, но, како што вели, не добиле поддршка на последните избори, а концептот на ВМРО-ДПМНЕ добил поддршка. Ова доаѓа по гласањето на измените во Законот за пензиско и инвалидско осигурување, со кој се овозможува линеарно зголемување на пензиите за два на 1000 денари.
„Без разлика дали ни се допаѓа или не, ние сме принудени да го следиме како партнер во Владата бидејќи тие освоија половина милион гласови, а не ние. Проектот на ЗНАМ не беше за линеарно зголемување, туку оние со пониски стапки да добиваат повеќе, а оние со повисоки пензии да добиваат помалку и да се приклучат на концептот. Таквиот концепт не победи. Видовме дека трендот со линеарен раст ќе продолжи бидејќи парите ја губат својата вредност, а потребно е повеќе пари да влезат во секој дом. Сепак, мора да обрнеме внимание и на стабилноста на Пензискиот фонд. Владата ќе ги задоволи потребите на пензионерите во рамките на своите ветувања“, рече Димитриевски .
