ЕКСПЛОЗИВНО – Поранешен врвен разузнавач открива шокантни детали: “Време е да се каже вистината за вонземјаните, луѓето можат да се справат со тоа!“
Кристофер Мелон, поранешен функционер на американската разузнавачка служба, ја повика Владата на САД да објави информации за наводниот проект за обратно инженерство (процес на репродукција на технологија или производ, т.е. обратна анализа и истражување за да се утврди составот и компонентите) што вклучува неидентификувани летечки објекти (НЛО).
Кристофер Мелон, поранешен заменик-помошник секретар за одбрана за разузнавање, кој е специјализиран за НЛО, напиша во авторското издание на весникот Politico објавено во саботата дека добил извештаи дека Владата се вклучила во „проект за обратен инженеринг“ во кој се вбројува и НЛО. Тој ја повика Владата да ги објави сите записи, пренесува Newsweek.
Кристофер Мелон наведува дека упатил четворица сведоци до Канцеларијата за решавање на аномалии на сите домени (AARO – канцеларија во рамките на Канцеларијата на секретарот за одбрана која истражува НЛО и други феномени во воздухот, морето, вселената и на копното) кои тврдат дека имаат познавање за тајна владина програма „која вклучува анализа и експлоатација на материјали пронајдени од несветски (земјени) пловни објекти“, и дека бил контактиран од други извори за „наводна тајна програма за обратно инженерство на американската Влада“.
Тој наведува голем број причини зошто смета дека сите информации за овие наводни проекти треба да бидат јавни. Кристофер Мелон посочува дека Американците „имаат право да ја знаат вистината“ за тоа дали Владата има проекти за НЛО и дека луѓето „можат да се справат“ со какви било информации за вонземјани.
Откривањето на таквите информации, исто така, може да им помогне на глобалните лидери „да развијат ефективно одвраќање“ против напад, напиша тој, истакнувајќи дека нема знаци на „агресија“.
Кристофер Мелон, исто така, појаснува неколку научни предности од откривањето на какви било информации.
„Ако сме репродуцирале неземјени технологии, нашите најдобри и најпаметни умови треба да бидат ангажирани во нивното оценување. Претпоставувајќи дека технологијата на погон на неидентификувани аномални феномени (UAP) е различна од се што е познато на јавноста, успешна програма за обратно инженерство може да доведе до револуција во енергијата, транспортот и технологијата на материјали. Можеби ќе можеме да ја забрзаме транзицијата кон чиста и евтина енергија, можеби дури и да развиеме суперспроводливи материјали и погонски технологии кои сега се тема на холивудските филмови“, вели поранешниот разузнавач.
Кристофер Мелон не е првиот човек што го поставил прашањето за обратното инженерство на НЛО. Американскиот конгресмен Тим Бурчет, републиканец од Тенеси, во март изјави за Newsweek дека верува дека – „во одреден момент го најдовме вселенското летало и можните суштества“ и додава: „Мислам дека многу работи во моментов се измислуваат обратно, но ние едноставно не го сфаќаме тоа“.
Во април, војската на Соединетите Американски Држави декласифицираше досега видени видеа од НЛО за време на сослушувањето во Сенатот.
Гледањата на НЛО со векови го будиле интересот на милијарди луѓе ширум светот. Иако овие видувања често се лесно објаснети – понекогаш тоа се вообичаени вселенски објекти како метеори или воена опрема – тие често наведуваат многумина да размислуваат за можноста за вонземски живот. Во последниве години, НЛО повторно беа во очите на јавноста, а многумина ја повикаа американската Влада да биде потранспарентна во врска со забележаните.
