ЕУ не се откажува од санкциите кон Русија: Ќе ја водиме нашата политика независно од САД

Европската унија нема да ги укине санкциите кон Русија доколку САД го сторат тоа, таа ќе ја спроведе својата политика на санкции и ќе воведе 16-ти пакет рестрикции, изјави европскиот комесар за економија Валдис Домбровскис.

„Со оглед на политиката на новата американска администрација, ЕУ мора да ја преземе сопствената безбедност, а тоа важи и за политиката на санкции. Во моментов се работи на 16-тиот пакет“, рече Домбровскис, одговарајќи на новинарско прашање дали ЕУ ќе ги укине санкциите кон Русија доколку САД почнат да ги укинуваат во замена за прекин на огнот.

Да потсетиме дека во средината на декември шефовите на министерствата за надворешни работи на Европската унија го одобрија 15-тиот пакет санкции против Русија, во кој се вклучени 84 физички и правни лица.

Претходно беше објавено дека ова е 15-ти пакет лични и економски санкции „поради Украина“, како и први лични санкции според новиот режим на ЕУ за наводна „дестабилизација на ситуацијата во странство“.

Шефот за надворешна политика на ЕУ Каја Калас рече дека „15-тиот пакет санкции ја вклучува „флотата во сенка“, како и официјални претставници на КНДР и кинеските компании.

Од друга страна, руската делегација денеска пристигна на преговори со американската делегација кои се водат во палатата Дирига.