Избрканите од Комунална хигиена: Одлуката е неправедна, со чест работевме 30 години
Реџеп Мифтари, Хебиб Бериша и Исуф Мифтари се тројца од 27-те вработени отпуштени од Јавното претпријатие „Комунална хигиена“. Тврдат дека неправедно биле отпуштени од работните места и покрај решенијата за работа над 30 години, почитувајќи го распоредот и прописите за работа во оваа институција. Како што велат, учеството на протестот е единствената причина за отказ.
„Тој беше одличен пријател по сите маки што ги имаме на работа. Единствената причина зошто протестиравме, зошто баравме поголема плата е затоа што сме под минималната плата. Единствената причина е зошто се појавив пред медиумите барајќи ги правата. Ако ова е кривично дело, признавам, јас го направив тоа. Работевме и кога бевме на одмор, ги заменивме болните колеги, со и без плата. Прост општ работник, за ѓубре“, рече отпуштен од работа Реџеп Мифтари.
„Од 31 година не се 30 дена туку 30 години. Ниту пак ме испрашуваа зошто ја напуштив работата. Нека ги бараат тие што не дошле на работа, има суд што се интересира за таа работа, јас бев редовно на работа.
Можете ли да докажете дека сте биле редовни?
Редовно сум бил на работа, како сакале така сум работел, може да кажат што сакааат“, рече Хебиб Бериша, отпуштен од работа.
Од друга страна, Исуф Мифтари рече дека безбедносните камери насекаде низ градот и во Комунална хигиена можат да го докажат нивното присуство или отсуство на работа.
„И јас работам 25 години, никогаш не сум бил во Германија или Швајцарија. Камери има насекаде низ Скопје, државата најверојатно ќе реагира, ќе ги провери камерите и ќе види дали сме биле на работа или во Германија. Јас сум против криминалот, тие што биле во Германија и Швајцарија нека одговараат. Работевме, собиравме по 15 тони ѓубре ноќе и не избркаа“, рече отпуштен од работа Исуф Мифтари.
Градоначалникот на Скопје и раководителот на Комунална хигиена пред денови потврдија дека учесниците во протестите се избркани. Вработените три дена по ред протестираа за покачување на платите, за исплата на К-15 и други услови. Градоначалникот на Град Скопје и директорката на Комунална хигиена, Косана Мазнева на прес-конференцијата изјавија дека во ова претпријатие имало големи злоупотреби како што се вработување на 70 лица од едно семејство и 43 лица од друго семејство. Обвинија за мафијашки кланови во рамките на претпријатието, каде само одредени лица работеле ноќна смена, а некои од нив не оделе ниту на работа и земале плата додека живееле и работеле во Германија. Над 30 луѓе со години живеат во Германија, но земале месечни плати од Комунална хигиена.
