„КАДЕ ВИ Е Кејт Мидлтон? Захарова: Лондон ја бара принцезата два месеци, а секаде ја наоѓа „раката на Москва“

Официјалната претставничка на Министерството за надворешни работи на Русија, Марија Захарова, го повика министерот за одбрана на Велика Британија, Грант Шапс, да ја бара Кејт Мидлтон и да не се занимава со руските избори.

Захарова ја цитираше изјавата на Шапс дека претседателскиот кандидат и актуелен руски лидер Владимир Путин „повторно ги украл изборите, но тој нема да ја украде Украина“.

Министерот истакна дека Лондон ќе работи со сојузниците за „запирање на кражбата со зголемување на помошта за Украина“.

Како одговор на ова, Захарова изјави дека Русија не им украла ништо.

-Не им ги дадовме нашите, па тие се лути. Тие се навикнати да крадат сè по право на „ексклузивност“ – додаде дипломатот.

– Патем, што е со Кејт Мидлтон? Се појави? – напиша таа на Телеграм и го советуваше Шапс да ја побара принцезата од Велс.

Кенсингтонската палата објави фотографија од Кејт Мидлтон на 10 март. Самата таа не се појавува во јавноста од декември, а во јануари беше оперирана.

Меѓутоа, меѓународните агенции, вклучувајќи ги АФП, Ројтерс и Асошиетед прес, се посомневаа дека фотографијата е исценирана и ја отстранија од нивната архива.