Кина ги укинува визите за граѓаните на Северна Македонија

Кина најави дека ќе го прошири безвизниот влез во уште девет земји, вклучително и Северна Македонија, во обид да го поттикне туризмот и деловните патувања за да помогне во заживување на економијата.

Почнувајќи од 30 ноември, патниците од Северна Македонија, Бугарија, Романија, Малта, Хрватска, Црна Гора, Естонија, Летонија и Јапонија ќе можат да влезат во Кина до 30 дена без виза, изјави портпаролот на Министерството за надворешни работи, Лин.

Со ова, бројот на земји на кои им е одобрен безвизен влез од минатата година ќе се зголеми на 38.

Во трите месеци од јули до септември оваа година, Кина регистрирала 8,2 милиони странски пристигнувања, од кои 4,9 милиони биле без визи, објави официјалната новинска агенција Ксинхуа, повикувајќи се на конзуларен претставник на Министерството за надворешни работи.