Левандовски го шокираше фудбалскиот свет: Не сака да игра за репрезентацијата поради тренерот

Најголемата ѕвезда на полскиот фудбал, Роберт Левандовски, објави дека се повлекува од националниот тим, додека Михал Пробиерж е на чело.

Левандовски не одговори на јунскиот квалификациски циклус поради фактот што сезоната беше тешка и му требаше одмор, а тврдеше дека одлуката ја донел заедно со селекторот Пробиерц.

Сепак, селекторот му ја одзеде капитенската лента и му ја додели на Пјотр Зиелински, по што Левандовски вечерва издаде соопштение за медиумите во кое наведува дека нема да игра додека сегашниот селектор е на таа позиција.

„Со оглед на околностите и губењето на довербата, решив да се откажам од играњето за полската репрезентација сè додека тој е селектор. Се надевам дека повторно ќе можам да играм за најдобрите навивачи во светот“, напиша популарниот Лева на социјалните мрежи.

Полска игра против Финска во следното коло од квалификациите за Светското првенство во вторник.

Инаку, Левандовски е рекордер и по бројот на настапи и по бројот на голови за полската репрезентација, па неговото отсуство ќе биде голем удар за селекцијата, без оглед на годините што полека го „стигнуваат“.