Маричиќ: Поврзувањето на регионот преку берлинскиот процес е основа за креирање соодветни енергетски политики
Првиот вицепремиер за европски прашања вечерва учествуваше на отворањето на Енергетскиот форум на Македонија МЕФ 2024, што годинава се одржува по 7-ми пат.
Вечерашната воведна сесија на форумот насловена „Декодирање на деценијата“ беше посветена на важноста на Берлинскиот процес во однос на регионалната соработка, енергетската криза и транзицијата кон обновливите енергии.
Вицепремиерот Маричиќ во својот говор се осврна на важноста на Берлинскиот процес кој значително ја зголеми соработката на земјите од Западен Балкан и регионот.
„Десетгодишнината од Берлинскиот процес треба да ни даде поттик да вложиме повеќе напори и да работиме подобро во годините што доаѓаат, до постигнување на конечната цел за членство на земјите од Западен Балкан во ЕУ, особено во овој геополитички моментум. “
Маричиќ во својот говор ја истакна важноста од поврзување на регионот во соработка со Европската Унија и креирање енергетски политики и развој на инфраструктурата со цел развој на државата и регионот.
Маричиќ дополнително ја истакна важноста на Планот за раст и мерките преземени со Планот за раст, каде што голем дел од реформите се насочени кон решавање на енергетските предизвици на регионот на Западен Балкан.
„Првпат прецизно ги дефиниравме мерките кои се однесуваат на финансиски механизам за поддршка од Европската Унија кој ќе придонесе за развој на земјата и за решавање на енергетските предизвици, таа можност мора да се искористи, што ќе создаде стратегија за енергија. развој.
На крајот Маричиќ истакна дека инфраструктурните проекти се поврзани со енергетските проекти, нагласувајќи ја важноста од потребните инвестиции за институциите во реформскиот процес.
„Помошта за време на енергетската криза од Европската унија беше незаменлива. Соработката на регионот преку Берлинскиот процес во решавањето на енергетските предизвици кои се во фокусот на регионот и Европа е клучна за стабилноста и просперитетот на земјата.
На Македонскиот енергетски форум МЕФ 2024, организиран од невладината организација Институт во соработка со Делегацијата на Европската Унија во земјава, присуствуваа и германската амбасадорка Петра Дрекслер и сите релевантни учесници во Берлинскиот процес за соработка во регионот.
