МАРИЈА ТВРДИ ДЕКА МУ Е ОСМО ДЕТЕ НА ПЕЛЕ: Поради ДНК тестот бара да му го откопаат телото

Едсон Арантес до Насименто, попознат како Пеле, нема мир ниту на другиот свет.

Познатиот фудбалер, кој почина на 29 декември 2022 година, е предмет на тужба од жена која тврди дека е негова тајна ќерка.

Марија до Сокоро Азеведо, 60-годишна жена од внатрешноста на Бразил, му наложила на адвокатот да побара ексхумација на телото на Пеле за да се утврди татковството.

Марија првпат поднесе тужба за татковство пред пет години. Наводно, славниот фудбалер се согласил и на ДНК тест, но неговата смрт спречила се.

Нејзиниот адвокат Маркос Фернандо дос Сантос Соуза изјави дека првите тестови биле негативни, но дека ДНК тестот покажал „голема можност“ за крвна врска меѓу бразилската фудбалерка и нејзиниот клиент.

Дополнителна конфузија во целата приказна дава и тоа што и Пеле преку тестамент ја потврдил можноста да има уште едно дете. Пеле се женеше три пати и официјално има седум деца, меѓу кои и една поќерка. Неговото богатство во моментот на неговата смрт се проценува на нешто повеќе од 91 милион евра. Пеле оставил 30 отсто од своето богатство на својата трета сопруга Марика Аоки, 60 отсто на своите деца и 10 отсто на своите две внуци.

Минатата година беше објавено дека Пеле во тестамент и оставил 15 милиони евра на својата тајна ќерка.

Останува да видиме дали навистина е Марија. Таа во една ТВ емисија во Бразил изјавила дека не ја интересираат парите, туку „педигре“, односно признавањето дека е ќерка на Пеле. Рекла и дека нејзината мајка никогаш не му кажала на Пеле дека останала бремена со него.

Две од децата на Пеле, Едињо Насименто и Флавија Кристина, се согласија на ДНК тестови откако го прочитаа тестаментот на нивниот татко.

Семејниот адвокат на Пеле, Аугусто Миљоли, сепак, вели дека ќе го оспорат секое барање за ексхумација за ДНК тест.