Мицкоски: Посетата на САД беше корисна, треба да се изнесат повеќе аргументи за македонското прашање

Претседателот на Владата на Република Молдавија, Христијан Мицкоски, денеска одговарајќи на новинарски прашања за впечатоците од посетата на САД и остварените политички и економски контакти, изјави дека е исклучително задоволен од посетата.

„Посетата беше исклучително корисна, плодна и очекувам во следниот период резултатите да бидат видливи, интензивни и големи. Она што често го кажувам, ќе го повторам и сега.

Ќе ја развиваме нашата битка дома, за вакви проекти, за добра инфраструктура, за нови градинки, за нови училишта, за поконкурентна економија, за подобро здравство, за подобро образование и слично. Тоа се прашања што ќе ги решиме во државата и ќе се бориме и ќе ја добиеме таа битка.

Но, мора да победиме и во Вашингтон, во Њујорк, во Брисел, во Рим, во Париз, во Лондон, во Берлин, насекаде и во другите метрополи во светот. И ние мора да бидеме што е можно погласни и да им презентираме што повеќе аргументи на нашите соговорници, за македонското прашање, за сите предизвици што ни претстојат, но и за оние што ги оставивме зад нас.

И мислам дека сме на добар пат. Веднаш нема резултати, но важно е сè што правиме, го правиме исклучиво за интерес на граѓаните и нашата единствена татковина“, изјави Мицкоски.