МОН бара мислење од родителите и наставниците за укинување на пролетниот распуст

Министерството за образование и наука ќе се консултира со јавноста и наставниците за организирање на пролетниот распуст во учебната 2024-2025 година.

Министерството за образование и култура соопштува дека се подготвуваат календари за организирање на работата на основните и средните училишта во учебната 2024-2025 година, а мислењето на пошироката јавност е важно за успешно завршување на процесот.

„Со оглед на различните ставови во јавното мислење за пролетниот распуст во основното и средното образование минатата учебна година, а со цел транспарентно да се одлучи дали истиот ќе се организира и во учебната 2024/2025 година, Министерството испрати прашалник до училиштата и е достапна и за целата јавност на следниот линк, за да можат сите заинтересирани – наставници, ученици, родители/старатели – да дадат свое лично мислење“, се наведува во информацијата.

Тие наведуваат дека со организирање на пролетен распуст учебната година во учебната 2024/2025 година би завршила на 13 јуни 2025 година. Доколку, пак, се одлучи да нема пролетен распуст, учебната година ќе завршува на 10 јуни 2025 година.