На Табановце се чека до половина час, на Богородица и Дојран до 15 минути

Интензитетот на сообраќај на патните оски надвор од градските средини е просечен. За излез од државата на граничните премини „Богородица“ и „Дојран“ се чека од 10 до 15 минути. На граничниот премин „Табановце“ за влез и за излез од државата очекуваното време на чекање е 20 до 30 минути.

Сообраќајот на останатите патни правци во државата се одвива непречено по претежно суви коловози со умерен интензитет надвор од градските средини.

АМСМ препорачува прилагодена брзина на возење, почитување на поставената сообраќајна сигнализација и особено внимателно возење, особено на патиштата низ планинските клисури и речните долини каде што има можност за одрони. Ова особено се однесува на патните оски Катланово – Велес, Маврово – Дибар – Струга, Виница – Берово и Кочани – Делчево.