На 1-ви јануари точно во 07:00 часот Украина ќе направи впечатлив потег: Веднаш штом почне новата година, почнува лудилото!
Украинскиот систем за транспорт на гас ќе може да транспортира само гас што не е од руско потекло од 1 јануари 2025 година во 07:00 часот.
Премиерот на Украина Денис Шмихал ја објави веста за прекин на транспортот на гас за време на „Прашања до премиерот“ во Врховната Рада (Парламентот на Украина), како што пренесе Интерфакс-Украина.
– Договорот за транзит на гас истекува на 1 јануари 2025 година. Транзитот ќе биде физички блокиран во 07:00 часот, а продолжување на транзитот ќе биде можно само доколку на барање на Европската комисија преку нашиот систем транспортираме гас кој не е од руско потекло – рече премиерот.
Тој објасни дека, според Договорот за асоцијација со ЕУ и Енергетската повелба, Украина е обврзана да обезбеди транзит на руска нафта во Европа на барање на Европската комисија.
– Во оваа смисла технички продолжува транзитот по барање на европската страна. Сепак, работиме на воведување 100 отсто санкции за руските молекули – рече тој, а пренесува „Украинска правда“.
Нема смирување на ситуацијата – Русите денеска брутално го нападнаа Киев во најновата ескалација на ситуацијата.
Најмалку седум лица се повредени во денешниот руски ракетен напад врз Киев, главниот град на Украина, соопшти градоначалникот Виталиј Кличко.
Во нападот беа оштетени бројни згради, соопштија локалните власти. Нападот предизвика пожари низ градот, изјави шефот на воената администрација на Киев, Сергеј Попко.
Украинската воздушна одбрана работи поради ракетниот напад врз Киев, објавија претходно локалните власти и воздухопловните сили.
Како што беше најавено, прогласена е воздушна тревога на целата територија на Украина поради ракетната закана, наведува украинската агенција.
Непосредно пред почетокот на рускиот напад, воздухопловните сили на Украина предупредија дека борбените авиони МиГ-31, кои носат хиперсонични ракети Кинжал, полетале од базите во Русија. Нападот се случи еден ден откако рускиот претседател Владимир Путин предложи „експеримент“ на западните системи за противвоздушна одбрана за заштита на главниот град на Украина со тоа што Москва лансираше балистичка ракета со среден дострел „Орешник“ кон Киев.
Во објава на социјалната мрежа X Kyiv Post, руските балистички ракети гаѓаа неколку области во главниот град.
