НОВА ДРАМА ВО ШВАЈЦАРИЈА – Полицијата за само 24 часа двапати го евакуираше аеродромот во Базел: Патниците итно извадени надвор

Голема полициска акција е во тек на аеродромот „Евроаеродром“ во Базел, Швајцарија.

Властите како причина ја наведуваат заканата за бомба на аеродромот. Медиумите наведуваат дека има доцнења и откажувања поради потенцијална опасност на линиите.

Според информациите, полицијата поставила и безбедносна зона.

„Потврдуваме дека терминалот мораше да биде евакуиран од безбедносни причини. Од патниците се бара да ја контактираат нивната авиокомпанија за информации за нивниот лет“, соопшти канцеларијата за медиуми на аеродромот.

Аеродромот исто така вчера беше евакуиран поради закани за бомби и по неколку часа беше повторно отворен.